ကျောက်စိမ်းလက်ကောက်ပါရင် သတိထား..

ကျောက်စိမ်းလက်ကောက်ပါရင် သတိထား..ဆိုတဲ့နာမည်က ကျွန်မငယ်ငယ်တုန်းက ကြည့်ခဲ့ရတဲ့ တရုတ်ကားနာမည်တစ်ခုဖြစ်ပါသည်။ ဇာတ်လမ်းထဲက ကျောက်စိမ်းလက်ကောက်လေးက လိုတရဖြစ်သောကြောင့် ကျောက်စိမ်းလက်ကောက်ပိုင်ရှင်က သူ့ ကိုစိတ်ဖြင့် လိုရာ ခိုင်းစေနိုင်သည်။ အဲသည့်ဇာတ်ကားကြည့်ခဲ့တာ နှစ်ပေါင်းများစွာ ကြာခဲ့ပေမယ့် သူ့ နာမည်နှင့်ဇာတ်ကားက ထူးဆန်းလို့ သတိရနေမိသည်။

အခုကျွန်မပြောချင်သည်မှာ ဇာတ်ကားမဟုတ်ပါ…ကျွန်မကိုယ်တွေ့ အဖြစ်အပျက်တစ်ခုကို အားလုံးသတိထားစေလိုသောစိတ်ဖြင့် ဒီနာမည်နှင့်တကွ ရေးရခြင်းဖြစ်သည်။

ဒီအဖြစ်အပျက်ကိုတော့ လက်ဆင့်ကမ်းရေးမှဖြစ်တော့မည် ဟု စဉ်းစားပြီးရေးလိုက်ပါသည်။

ဖြစ်ပုံမှာ..

ကျွန်မအမေနှင့် ကျွန်မတို့ သားအမိနှစ်ယောက် လမ်းမပေါ်ကားစောင့်နေချိန်မှာ အမျိုးသမီးသုံးလေးယောက်လောက်ပါသည့် အဖွဲ့ တစ်ဖွဲ့ ကျွန်မတို့ ရှေ့ ကိုရောက်လာသည်။
အာသွက်လျှာသွက် မိန်းမတစ်ယောက်က ကျွန်မအမေကို 
“ဗုဒ္ဓဘာသာလား“ဟု အရင်မေးသည်။ 
သူမေးနေတုန်း ကျွန်မ စဉ်းစားမိသည်မှာ တို့ သားအမိကိုများ ဘာသာခြားတွေက လာဆွယ်ဖို့ များလားဟု စဉ်းစားမိသည်။
 အမှန်တော့ အဲသည်လို မဟုတ်ပါ။
နောက်တော့ အဲသည့်မိန်းမက ကျွန်မအမေကို ပြောသည်မှာ
“အမရေ အမကို ပါဋ္ဌာန်းဆက်ပါလို့ လာပေးတာ ..
လူတိုင်းကို ပေးတာမဟုတ်ဘူး အမကိုလေ ကျန်းမာပြီး ချမ်းသာပြီးရင်းချမ်းသာဆိုတဲ့ စိတ်နဲ့  လာပေးတာ”
ဟုပြောဆိုပြီး သူမအိတ်ထဲမှ ကျောက်စိမ်းလက်ကောက်တစ်ကွင်းထုတ်ယူပြီး ကျွန်မအမေကိုပေးလိုက်သည်။

တကယ်တမ်းကျောက်စိမ်းလက်ကောက်နှင့် ကျွန်မအမေလက်နှင့် တော်မည်မထင်။
သူမပြောသည့်စကားတွေမှာ အရမ်းလည်းမြန်ပြီး လူကိုစည်းရုံးရာမှာ အတော်လေး အကင်းပါးလွန်းလှသည်။

ကျွန်မက သူတို့ တွေကို ဘေးက အကဲခတ်နေသည်မှာ သူတို့ က ဗမာရုပ်တွေနဲ့ လည်းမတူ၊ ရှမ်းတရုတ် ရုပ်တွေနှင့်အတော်ဆင်သည် ။ သုံးယောက်စလုံးလူမျိုးက တိုင်းရင်းသားထဲက ဖြစ်နိုင်ပါသည်။ သို့ သော် အသံကမ၀ဲ၊ အသားဖြူပြီးတော့ သူတို့ မျက်နှာနှင့်လည်ပင်းတွင် အနီစက်လေးတွေ မထင်မရှားတွေ့ ရလို့ ဖြစ်သည်။သူတို့ လည်ပင်းမှာ ဘာဆွဲကြိုးမှလည်း ဆွဲထားခြင်းမရှိဘဲ သူများတွေကိုလိုက်ဝေပေးသည်ဆိုတော့ ဘာကြောင့်လည်း စဉ်းစားနေတုန်းမှာ သူတို့ ရဲ့စာရင်းစာအုပ်လေးထွက်လာတော့သည်။

နာမည်ဘယ်သူက ငွေကျပ်သုံးထောင်.နာမည်နှင့် အဲသည့်နှစ်ယောက်လောက်ဆီမှ ရပြီးသားဖြစ်တဲ့ စာရင်းကို တစ်ယောက်က မှတ်ဖို့ ပြင်သည်။

“အမနာမည်ဘယ်လိုခေါ်လဲ အမ ဘာနေ့ နံလဲဟင်.. ကျောက်စိမ်းလက်ကောက်က ငါးထောင်ကျတယ်အမ…ငွေက အဓိကမဟုတ်ပါဘူး..အမကို  မဟာကံထူးကံသာဘုရားမှာ အဓိဌာန်ထားတဲ့ လက်ကောက်လေးရစေချင်နဲ့ စိတ်နဲ့ ပါအမ”
ဆိုပြီး ငါးထောင်အတင်းတောင်းတဲ့ပုံစံပြင်လေသည်။

ကျွန်မလည်း ဒီလိုမျိုးက ဒါတွေလာတော့မည်ဟု ထင်တော့ထင်သားနဲ့ စကားကို အဲသည်လောက်သွက်သွက်ပြောပြီး အတင်းကြီးလာပြောနေကထဲက ဒီလိုမျိုးတစ်ခုခုတော့လုပ်တော့မည် ဟု..။

နောက်တော့ ကျွန်မမေမေက ငါးထောင်လည်း မထည့်နိုင်ပါဘူးကွယ်… ဆိုပြီး ငွေအနည်းငယ်ပေးပြီး ကျောက်စိမ်းလက်ကောက်ကိုပါ ပြန်ပေးလိုက်သည်။
ဒါတောင် သူ့ ဘေးက မိန်းမတွေက လက်ကောက်မယူလို့ ထပ်ပြီး ဆွယ်မလိုလုပ်ဟန်ပြင်သောအခါ စဆွယ်သောမိန်းမက ငွေရပြီဖြစ်သဖြင့် ရိုးရိုးလှူဒါန်းတာပါ ဆိုပြီး ကျေနပ်ဟန်ဖြင့် သူ့ အဖော်များကို ခေါ်သွားသည်။
အဖြစ်အပျက်က မိနစ်ပိုင်းအနည်းငယ်အတွင်းဖြစ်ပေမယ့် ကျွန်မလည်း တော်တော်အံသြသွားရသည်။

ဒီစာကိုလည်း ရေးခြင်းက…  သူတို့ တွေလုပ်ပုံမှာ ဘာသာရေးကို ခုတုံးလုပ်ပြီး ကျောက်စိမ်းလက်ကောက်ကိုရောင်းသလိုဖြစ်နေသဖြင့် စိတ်မချမ်းမသာဖြစ်ရပါသည်။
ဒီအဖြစ်အပျက်များ ဒီလိုပုံစံများဖြင့် လုပ်နေတဲ့အဖွဲ့ တွေ ဆက်တိုးမလာဖို့ ဘဲ ဆုတောင်းမိသည်။

သူတို့ တွေ လက်ကောက်လာပေးတာ အကယ်လို့ များ ပါဋ္ဌာန်းဆက်ကြောင့်များလားဟု ယုံသလိုလိုတွေ စိတ်က ဒွိဟ စဉ်းစားမိလာသောအခါ အရင်က ကျွန်မဖတ်ခဲ့ဖူးသည့်  ဦးပြုံးချိုရေးသည့် နေအေး လိမ်နည်း စာအုပ်ကို ပြေးမြင်မိသည်။
နေအေးသည်လည်း ဘုရားအကြောင်းပြပြီး လိမ်ခဲ့တာတွေက နည်းတာမှ မဟုတ်ပဲလေ။
ယုံလွယ်သူတွေအတွက် ငါးစာပြပြီး ငါးမျှားချိတ်တပ်ထားသည်ကိုလည်း သတိချပ်စေချင်ပါသည်။

မည်သို့ ပင်ဖြစ်စေ ကျောက်စိမ်းလက်ကောက်ပါရင် သတိတော့ ထားရတော့မည်ဖြစ်သည်။

ယောနိသော မနာသီကာရ
လေးစားလျှက်
မြလေးသျှင်

(၃၀/၀၃/၂၀၁၂)နေ့ အဖြစ်အပျက်အား မှတ်တမ်းတင်ထားခြင်းဖြစ်ပါသည်။

အချစ်ဆိုသည်မှာ…ပန်းချီဆရာပင် လေးတင်ခွင့်မရခဲ့ပါ…

ဒီနှစ် အကယ်ဒမီပေးပွဲမှာ အာဒံရယ်၊ ဧ၀ရယ်၊ ဒဿရယ် ရုပ်ရှင်ကားမှ ရုပ်ရှင်သရုပ်ဆောင်ဆုများဖြစ်တဲ့ မင်းသား ပြေတီဦးနှင့် မင်းသမီးသက်မွန်မြင့်တို့  နှစ်ယောက်စလုံး အကယ်ဒမီရသွားတဲ့အပြင် ရုပ်ရှင်ဇာတ်ကားဆုလည်း အကယ်ဒမီ ရခဲ့ပါတယ်။ အကယ်ဒမီဆုရတဲ့ ဇာတ်ကားအပိုင်းအစများကို  ဆုရကားများအဖြစ် နမူနာပြတုန်း ကြည့်တဲ့အခါမှာ သူတို့ သရုပ်ဆောင်အမူအရာတွေ ကောင်းမွန်တာတွေ့ ရပါတယ်။ ချစ်သူကို ချစ်မြတ်နိုးသော သက်မွန်မြင့်နှင့်
သရုပ်ဆောင်ပြေတီဦးက ဒဿ နေရာမှာ အပြည့်အ၀ ပီပြင်စွာ သရုပ်ဆောင်ထားတာကို တွေ့ ရသောအခါ ကျွန်မ ရင်ထဲခံစားချက်မျိုးစုံ တို့ ဝင်ရောက်လာပါတယ်။

ဇာတ်လမ်းက ဆရာမ ပုညခင်ရဲ့ဝတ္ထုဖြစ်တဲ့အတွက် ဇာတ်လမ်းကောင်းအပေါ်မူတည်တဲ့အတွက် မူရင်းဝတ္ထုကိုပါ ဖတ်ချင်နေမိပါတယ်။ အာဒံရယ်၊ ဧ၀ရယ်၊ ဒဿရယ်ရုပ်ရှင်ကိုလည်း ရုံတင်တုန်းက မကြည့်ဖြစ်လိုက်တဲ့အတွက် ကြည့်ချင်နေမိပြန်တယ်။
ဟိုးအရင် နှလုံးလှလူမိုက် ရုပ်ရှင်တုန်းကလည်း အကယ်ဒမီတွေရခဲ့ပါတယ်… မူရင်း ချစ်ကိုကိုယုရဲ့ဝတ္ထုကို မကြာသေးမီက ဖတ်ကြည့်တဲ့အခါ အတော်လေး ဖတ်လို့ ကောင်းတဲ့အပြင် ပေးချင်တဲ့နှလုံးသားတွေ ဦးနှောက်အကြောင်းတွေပါတာတွေ့ ရပါတယ်။

ကျွန်မဇာတ်လမ်းအစအဆုံးမကြည့်လိုက်ရပေမယ့် ခန့် မှန်းလိုက်ရတာတွေကြားရသည်။ သရုပ်ဆောင်နုသေးပေမယ့် ဒီကားမှာ ကြိုးစားပြီးတော့ သရုပ်ဆောင်ထားသော စိုင်းစိုင်းခမ်းလှိုင်ဟုလည်း ပြောကြသည်။ သက်မွန်မြင့် အဲဒီ့ကားမှာ သရုပ်ဆောင်ကောင်းသည်၊
ပြေတီဦးကတော့ အချစ်အတွက်ရော အငြိုးကြီးသော ဒဿ နေရာက အမူအရာပီပြင်စွာ သရုပ်ဆောင်ထားသည်။ အချစ်ဇာတ်လမ်းလေးတစ်ပုဒ်ပေမယ့် လူငယ်အချို့တွင်ခံစားနေသော ဇာတ်ကောင် စရိုက်များနှင့် ပီပြင်အောင် သရုပ်ဆောင်နိုင်ကြသည်။

ဇာတ်လမ်းတွေအမျိုးမျိုး ဖတ်ဖြစ်သည်။။ ဘယ်တော့မှ ကပြလို့ မရိုးသော ရာမ ဇာတ်တော်ကြီးထဲမှ
ဇာတ်ကောင်တွေအကြောင်းကိုတော့ စာရေးဆရာများက ရေးဖွဲ့ ကြသည်။
ဆရာချစ်ဦးညိုရဲ့လင်္ကာဒီပချစ်သူ ဆိုတဲ့ ၀တ္ထုတွင် ဒဿဂီရိကို အချစ်ကြီးသော သနားစရာမင်းသားအဖြစ် တင်ကြည့်ပြီး ရေးသားခဲ့သောအခါ စာရေးဆရာ၏ လှပသော လက်ရာများဖြင့် ဖမ်းစားနိုင်ခဲ့လေသည်။
ဆရာကြီး လယ်တွင်းသားစောချစ်က ကျွန်မတို့ ကို စာရေးနည်းလမ်းညွှန်သင်တန်းတုန်းက အောက်ပါအကြောင်းအရာမျိုးကို ပြောပြခဲ့ဖူးလေသည်။

ဆရာက သူဖတ်ခဲ့ဖူးသော ရွေးချယ်ခဲ့ဖူးသော စာမူများထဲတွင် ချစ်ဦးညိုသေလောက်သည့် ၀တ္ထုဇာတ်လမ်းတစ်ပုဒ်ပါလာလေသည်။ ရာမ ဇာတ်လမ်းထဲမှာ လူသိများပြီးသားဖြစ်တဲ့ အချစ်သူရဲကောင်းများကို ဇာတ်ကောင်မတင်ထားပဲ မယ်သီတာအတွက် ပန်းချီဆွဲပေးတဲ့ သာမန် ပန်းချီဆရာတစ်ယောက်လေး တစ်ယောက်အကြောင်းကိုပဲ မင်းသားတစ်ယောက်ခံစားချက်မျိုးဖြင့် ရှူ့ထောင့်ပြောင်းရေးထားကြောင်း ပြောပြပါသည်။
အဲသည့်ဝတ္ထုကို မဖတ်ဖူးလိုက်ပေမယ့် ဆရာ လယ်တွင်းသားစောချစ်ပြောပြလို့ ကျွန်မရင်ထဲ စွဲမြဲသွားခဲ့ပါသည်။

ဇာတ်လမ်းထဲက အချစ်ဆိုသည်မှာ နာမည်ကြီး မင်းသားမင်းသမီး ဇာတ်ရုပ်နဲ့ ကိုက်မှရသည်မျိုး ဖြစ်တာများသည်။
တကယ့်လက်တွေ့ အပြင်လောကမှာ နာမည်မကြီးဘဲ သာမန်လူတစ်ယောက်က တကယ်ချစ်မြတ်နိုးသွားတာမျိုးကို ဘယ်သူမှမသိလိုက်လို့ ဇာတ်မနာဘဲ ခံစားရတာမျိုးတွေက တကယ်ကြီးကို ရှိနေပါသည်။
အကယ်လို့ သာနှလုံးသားအကြံပေး ရှေ့ နေတစ်ယောက်ဖြစ်ခဲ့မယ်ဆိုရင် သူတို့ ဘက်မှာ အခမဲ့ရှေ့ နေလိုက်ပေးဖို့တွေးခဲ့ဖူးပါသည်။ သို့ သော် ကျွန်မသည် စာရေးသော ဘလော့ရေးသူတစ်ယောက်ဖြစ်သောအခါ ကဗျာ ပုံစံအဖြစ်သာ အောက်ပါကဗျာမျိုးအသွင်ရေးဖြစ်ခဲ့ပါတော့သည်။

ရင်ဖွင့်ချင်တဲ့ မယ်သီအကြောင်း

ဟေ့ မယ်သီတာ မင်းဘယ်လိုလူလဲ
မင်းဟာ လှရက်လေထူးမယ်
တော်ဝင်နန်းထိုက်သူပေါ့။

ချစ်ခင်သူများတဲ့မင်းကို
ဂန္ဓ၀င်ဆန်တဲ့ ဘီလူးကြီးက အတင်းလုယူဖို့ ကြိုးစားမယ်
လက္ခဏာက အကို့ အတွက် အလျှော့ပေးချင်ပေးမယ်
သူတို့ အတွက်တော့ အချစ်ဆိုတာ
ပေးဆပ်ခြင်း၊ ရယူခြင်းတွေ ရှုပ်ပွခဲ့တာ
ဒီနေ့ ခေတ်တိုင် စာဖွဲ့ လို့ မဆုံးဘူးပဲ။

နောက်ဆုံး မင်းသဘောကျတဲ့ မင်းရဲ့ တရားဝင်ပိုင်ရှင်ဟာ ရာမဆိုရင်
ငါကရော ကနဦးဘယ်လိုလူဖြစ်ခဲ့လဲ..မင်းသေချာ စဉ်းစား။
မင်းမှတ်မိသေးလား?

ငါ့မှာ မင်းလိုရွှေအိမ်စံမင်းသမီးကို
အဦးဆုံး ဖူးတွေ့ ရမယ်လို့  မထင်တဲ့အချိန်မှာ
မင်းအတွက် ကြင်ယာရှာဖို့ 
တိုင်းပြည်အနှံမင်းညီမင်းသားတွေဆီ ပုံတူပို့ ဖို့ 
အနီးကပ်ပန်းချီဆွဲပေးရတဲ့ အနုပညာသမားတစ်ယောက်ပေါ့။

နေအုံး..ကြားဖြတ်ပြောလိုက်အုံးမယ်
ငါ့ကိုယ်ငါ အနုပညာသမားစစ်စစ်လို့ ငါမသုံးခဲ့ဘူး
ဘာလို့ ဆိုတော့ အနုပညာဆိုတာ
အစစ်ကို တုပဖန်တီးထားတဲ့ပညာရပ်ပဲ။
မင်းဟာ ငါ့ခံစားမှုရဲ့ အစစ်အမှန်ဖြစ်ခဲ့ပေမယ့်
ငါ့အနုပညာကို အတုလို့ ယုံမှားသံသယရှိလာခဲ့မယ်ဆိုရင်တော့
ငါ့ထိုက်နဲ့ ငါ့ကံပေါ့။

မင်းဟာ ဒဿဂီရီ လေးတစ်ဝက်တင်နိုင်လို့ 
အဲဒီ့ဘီလူး အတင်းဆွဲခေါ်နေချိန်မှာ မလိုက်ချင်လို့ 
ငြင်းပယ်နေချိန်မှာ ဘာမဟုတ်တဲ့ ဒီကြင်ယာရွေးပွဲကို
ဝင်ပြိုင်ခွင့်မရှိတဲ့ငါ့ကို လှမ်းကြည့်နေတာ ငါသိတယ်။
ငါဆွဲပေးတဲ့ မင်းပန်းချီပုံလေတိုက်လို့ ရလာတဲ့ဘီလူးကို
ငါလုံးဝ မနှစ်မြို့ ဘူး။

ဒီကောင် အရည်အချင်းရှိတာ ငါသိတယ်
ရာမ မပြိုင်ခင်အထိ ဘယ်ကောင်မှ သူ့ လောက် လေးမှ မတင်နိုင်တာ။
မင်းငါ့ထက်သာတဲ့ကောင်တွေ ရမယ်ဆိုတာသိထားလည်း
ဒီလို ဘီလူးကောင်လက်ထဲကိုတော့ ငါမထည့်ရက်ဘူး။
ငါမြတ်နိုးတဲ့ ငါဖန်တီးတဲ့ အနုပညာကြောင့် ငါသိပ်ချစ်တဲ့ သီတာရယ်
မင်းဟာ ဒီလိုကောင်လက်ထဲမှာ အဖျက်အဆီးခံလိုက်ရမယ်ဆိုရင်
ငါဟာ ဘယ်လိုဖြစ်သွားမယ်ဆိုတာ…???

ဒီလိုနဲ့ …အားလုံးသိပြီးတဲ့ ဇာတ်လမ်းတွေ ဖြစ်ပေါ်ခဲ့တယ်။

ဒါပေယ့် …အားလုံးမသိသေးတဲ့ ဇာတ်လမ်းတစ်ပုဒ်ကို ဖွင့်ဟဖို့ ကြိုးစားကြည့်တယ်။

ဟိုးအရင် မင်းရဲ့ ပုံကို ဆွဲဖို့ ငါဟာ မင်းမျက်လုံးတွေ သေချာကြည့်ခဲ့ပြီးတဲ့နောက်
မင်းဟာ ငါ့ကိုကျေနပ်တဲ့အပြုံးတွေ ပေးပြီးတဲ့နောက်
ငါကလည်း မင်းရဲ့ အပြုံးကို အတုလား အစစ်လား ဝေခွဲနေဆဲ မပြီးပြတ်ပေမယ့်
မင်းရဲ့ ကြင်ယာရာမကြောင့်ပဲ  ကျေကျေနပ်နပ် ဇာတ်သိမ်းလိုက်ပါတယ်။

ငါဟာ ဟိုအကောင် ဒဿလို မဟုတ်ပဲ
`ဒု၊ ဿ၊ န ၊သော´အကြောင်း ကို ကြောက်တဲ့
အေးတိအေးစက် ကောင်ဖြစ်နေလို့ ပဲ။

ခေတ်တွေ အဆက်ဆက်ပြောင်းခဲ့ပြီ…
ငါတော့ ဒီဇာတ်လမ်းတွေ ရေးရတာ လက်ညောင်းလှပြီ။     ။

ဆိုပြီး Apr 20, ’2010 ရက်နေ့ က ဒီနေရာလေးမှာ http://troths.multiply.com/journal/item/463
ရေးဖြစ်ခဲ့ပါတယ်။

တကယ်တော့ ဒီဇာတ်လမ်းမှာ ရာမနဲ့ မတွေ့ ခင်မှာ သီတာနဲ့ မျက်လုံးချင်းဆုံခဲ့သူ  ပန်းချီဆရာ တစ်ယောက်ဟာ မယ်သီတာကို့ ချစ်မြတ်နိုးခဲ့ကြောင်း အခြားရှူ့ထောင့်က တွေးပြီး ရေးထားတာပါ။
အစ်ကို့ အတွက် ကြင်ရာတော်ရွေးပွဲမှာ လေးတင်ခွင့်ရခဲ့ပေမယ့် လေးကို တစ်ဝက်သာ တင်ခဲ့တဲ့ ညီတော်လက္ခဏာကို  ပေးဆပ်ခြင်းလို့ ပြောသူကပြောကြပါတယ်။
ပန်းချီဆရာလည်း နှလုံးသားနဲ့ လူပါပဲ..ဒါပေမယ့် သူ လေးတင်ခွင့်မရခဲ့ဘူးလေ..

ရုပ်ရှင် ဇာတ်လမ်းမဟုတ်သော အပြင်ဘက်လောကတို့ တွင် တကယ် ချစ်မြတ်နိုးခဲ့သော်လည်း ဘယ်သူမှမသိလိုက် မထင်ရှားလိုက်ဘဲ ခံစားခဲ့ရသော သာမန်လူများ၊ ယောင်္ကျားလေးများ (သို့ ) မိန်းကလေးများလည်း ရှိနိုင် ဖြစ်နိုင်သေးသည်။
သို့ သော် သူတို့ တွင် နှလုံးသားရှိရက်နှင့် “စည်း”ဟူသော တံတိုင်းကြီးတစ်ခုက ကမ္ဘာခြားခဲ့လေသည်။
ထို့ ကြောင့် ခံစားချက်ရှိသော လူများအတွက် အာဒံရယ်၊ ဧ၀ရယ်၊ ဒဿရယ် အပြင် ပန်းချီဆရာ တစ်ယောက်ပါ အပိုတိုးလာနိုင်တော့သည်။

ရာသီစက်ဝန်းတို့ သည် လည်နေဆဲ
ကမ္ဘာကြီးမှာ
နှစ်ဆယ့်သုံး ဒဿမ ငါး တိမ်းစောင်းတဲ့ ဒီဂရီ
တစ်ခါတစ်ရံ
အချစ်ဆိုသည်မှာ…ပန်းချီဆရာပင် လေးတင်ခွင့်မရခဲ့ပါ…
တိုက်ဆိုင်မှုတွေကြုံလာရင်…   ။

ယောနိသော မနာသီကာရ
လေးစားလျှက်
မြလေးသျှင်