ဟိုဘက်ရွာက ဇကာ


ဟိုနေ့ က ဂျပန် ဆိုင်Omoto စတိုးဆိုင်ကနေ မေမေ၀ယ်လာတဲ့ ဇကာဗန်းလေးကို ထူးဆန်းတဲ့ အစိမ်းရောင်တံဆိပ်လေး နဲ့ ဆိုပြီး သေချာကြည့်လိုက်တော့ Made in Vietnam တဲ့made in vietnam

Barcode scanner နဲ့ ရှာကြည့် တော့ JP ဆိုတော့ ဂျပန်ကနေမှန်း သိသာသည်။
ရောင်းတဲ့ဆိုင်ကလည်း ဂျပန်ဆိုင်ဆိုတော့ ဒါက ထပ်စစ်ဖို့ မလိုတော့ …

ကိုယ်က မကျေနပ်လို့ ထပ်စစ်ကြည့်တာ ဒီဝါးဇကာဗန်းကို ဘယ်လောက်ပေးရလဲဆိုပြီး အမေ့ကို မေးကြည့်တော့ ကိုးရာကျပ်တဲ့
အဲဒီ့ဂျပန်ဆိုင်က ဘယ် ကုန်ပစ္စည်းပဲဝယ်ဝယ် ၁၈၀၀ ကျပ် ပါ။ ဒါပေမယ့် ဟိုရက်က
Discount 50% ချလို့ တစ်ထောင့်ရှစ်ရာကျပ်တန်ကို ကိုးရာကျပ်နှင့် ၀ယ်လို့ ရခဲ့သည် တဲ့…

ထပ်စဉ်းစားကြည့်တော့ ဒီလို ၀ါးဇကာလေးတွေ က ကိုယ့်တိုင်းပြည်မှာဆို
လေး ငါးရာကျပ်လောက်နှင့်ဝယ်လို့ ရသည်။ ဒီဟာက ထားတော့ ဒီလောက်ငွေလေးကို မနှမြော။ အမေကတော့ ကိုယ့်ဆီမှာ ရက်လုပ်တဲ့ ဇကာလေးတွေနဲ့ နှိုင်းယှဉ်ကြည့်ချင်လို့ ဝယ်ခဲ့တာပါလို့ ပြောပါတယ်။

နှမြောမိသည်က ကိုယ့်တိုင်းပြည်ကနေ နိုင်ငံခြားကို (Export) အနေဖြင့် တင်ပို့ လို့ ရသည့် ဇကာလေးကို ကိုယ့်တိုင်းပြည်ရဲ့ Japan Store တစ်ခုမှာ ၀ယ်ခဲ့ရပြီး
အဲသည့် ပစ္စည်းလေးကလည်း ဂျပန်ပြည်ရဲ့ ကုန်ပစ္စည်း မဟုတ်ပဲ Made in Vietnam
ဆိုတာလေး ဖြစ်လို့ နေတာပါပဲ… ဒီဟာ မြန်မာပြည်က ပစ္စည်းလေးကို တံဆိပ်ကပ်တာလည်း ဖြစ်ချင်ဖြစ်နေနိုင်သည်။

ဘယ်လိုပဲစဉ်းစား စဉ်းစား Made in China, Made in Thailand, Made in Vietnam တွေက ခေါင်းထဲ များစွာပေါ်လာသည်။
ဘယ်လိုတွေဖြစ်ဖြစ် သူတို့  အိမ်နီးချင်း တိုင်းပြည်တွေက ကိုယ်တို့ တိုင်းပြည်ကို တိုက်ရိုက် စစ်ကြေငြာဖို့ ဒီခေတ်ကြီးထဲမှာ သိပ်လွယ်မည် မထင်တော့…
တကယ် မမြင်နိုင်အောင် ရှိနေတာက စီးပွားရေး စစ်ဆင်ရေးတွေပါ…

အခုတလော လောက်ကိုင်မှာတော့ နယ်စပ် စစ်ဆင်ရေးကလည်း မပြီးသေး…ကျဆုံးသွားတဲ့ ရဲဘော်များနှင့် မိသားစုများကိုလည်း သနားမိသည်။
ကျွန်မတို့ တိုင်းပြည်က တိုင်းပြည်က နုနု မုန်တိုင်းကထန်ထန် စာအုပ်ခေါင်းစဉ်လို ပဲ ဟု ဆရာတစ်ယောက်က ပြောခဲ့ဖူးတာလေး ပြန်အမှတ်ရမိသည်။
လက်နက်နှင့် တိုက်ခိုက်မှရသော စစ်ရေးရော ကုန်သွယ်မှုဆိုင်ရာစီးပွားရေး စစ်ဆင်ရေးတွေပါ အများကြီး ဖြေရှင်းရမည့် အကြောင်းတွေက ကြည့်လေမြင်လေပင်။

ကြည့်လိုက်ရင် ဇကာလေးတစ်ချပ်သည် ဘာမှမဖြစ်ပါ…
သို့ ပေမယ့်ကျွန်မတို့ နိုင်ငံမှာ မြန်မာနိုင်ငံရဲ့  စီးပွားရေးတံတိုင်းများ ခံတပ်များ အတော်လေးကို
ခိုင်ခံ့ရန် လိုအပ်လာပြီ ဖြစ်ကြောင်း သတိပြုမိသွားသည်။
Natural Craft ဆိုပြီး Made in Vietnam က တင်ပို့ လိုက်တဲ့ ဇကာတစ်ချပ်ဟာ
ဝါးတွေပေါလှတဲ့ ကိုယ့်တိုင်းပြည်ကနေ Made in Myanmar ဆိုပြီး နိုင်ငံခြားကို မပို့ နိုင်…။ အခြားလက်မှုဆိုင်ရာ ပို့ တဲ့ ပစ္စည်းလေးတွေလည်း ရှိကောင်းရှိမှာပါ။

အကယ်လို့ များ ဒီဇကာလေးက ဂျပန်ပြည်က နေ မြန်မာပြည်ကို ကွန်တင်နာကနေ
တိုက်ရိုက် (Import) တင်သွင်းလာခဲ့တာဆိုခဲ့ရင်ပေါ့…
ကမ္ဘာ့ မြေပုံကနေကြည့်ရင် ဒီဇကာလေးဟာ မြန်မာပြည်နဲ့ ပိုနီးစပ်တဲ့ ဗီယက်နမ်နိုင်ငံကနေ ဂျပန်ကျွန်းနိုင်ငံဆီ ပို့ မယ် ။ပြီးရင် ဇကာလေးက ဂျပန်ပြည်ဆီ ရောက်သွားမယ်…. အဲဒီ့မှာ ဂျပန် စတိုးဆိုင် Omoto စတိုဆီရောက်သွားပြီး မြန်မာပြည်မှာဆိုင်ဖွင့်ထားတဲ့ Omoto စတိုးဆိုင်လေးဆီရောက်သွားပြီး ဒီဇကာလေးကို ၀ယ်ခဲ့ပြီးတဲ့နောက် ကျွန်မတို့ မြင်ရသည်ပေါ့။

ဟူး…တွေးမိလိုက်တဲ့ သံသရာက ရှည်လိုက်တာ –
ကျွန်မစိတ်ထဲမှာ ဘယ်နိုင်ငံရဲ့ ပစ္စည်းကို ဘာကြောင့်မ၀ယ်ဘူးဆိုပြီး နိုင်ငံကြီးသားစိတ်ကြီး အကြီးကြီး မရှိဘူးပါ…
သို့ ပေမယ့် စဉ်းစားသည်ကတော့
ကိုယ်လည်း သူ့ တိုင်းပြည်က ၀ယ်မည်။ ကိုယ့်တိုင်းပြည်ကကုန်လည်း သူများ တိုင်းပြည်က ၀ယ်မှ Balance of Trade ဖြစ်တော့မည်။
ဒီဟာတွေက ဆက်စဉ်းစားရင် ဘောဂဗေဒတစ်ဘာသာမက ရှိတော့မည်။

ဘယ်လိုပဲမြင်ရ မြင်ရ…ဒီဇကာလေးက ဈေးပေါတဲ့ တရုတ်နိုင်ငံ ပစ္စည်းများနဲ့ လည်းမတူ၊ (တစ်ဖက်မှာလည်း တရုတ်ကိုလည်း ကြောက်ရ)၊ အခြားတစ်ဖက်ကနေကြည့်ရင်လည်း ဗီယက်နမ်နိုင်ငံက Made in Vietnam ဆိုပြီး နိုင်ငံတကာကို Export တင်ပို့ နိုင်တဲ့ အခြေအနေကို လှမ်းမြင်လိုက်ရတဲ့ခဏမှာ
တော်တော် မှင်သက်သွားရလို့ ပါ။

ဒီနေ့ ကမ္ဘာပေါ်မှာ ဆန်တင်ပို့ မှု အများဆုံးနေရာရောက်လာတဲ့ ဗီယက်နမ်နိုင်ငံ
ဆိုပြီး သတင်းတွေဖတ်ခဲ့ရတဲ့အချိန်မှာလိုမျိုး ခံစားချက်က ကျွန်မရင်ထဲမှာ ရှိပြီးသားမို့ ပါ။ ဟိုးအရင်တုန်းက မြန်မာပြည်က ဆန်တင်ပို့ တာ အများဆုံးဆိုတဲ့ ရှေးဟောင်းနှောင်းဖြစ်တွေ ကြားဖူးတာလည်း ရှိစေတော့။
ကိုယ့်နိုင်ငံတွင်းကနေ နိုင်ငံခြားကို ပို့ ကုန် ပစ္စည်းတွေတင်ပို့ နိုင်အောင်ကြိုးစားဖို့ လိုနေပြီဆိုတာကို ဒီဇကာတစ်ချပ်ကနေ
ကျွန်မ ရလိုက်တာမို့ ပြန်လည် ခံစားမျှဝေလိုက်ပါတယ် ။

မြလေးသျှင်
၂၃ /၂ / ၂၀၁၅

Advertisements

“ထုံးဘို မှ တောင်နံရံကပ် ရှေးဘုရားများ ရှိရာ အကောက်တောင်”


 

01 A Kyauk taung
ပြည် ထုံးဘို အကောက်တောင်က ရှေးဘုရားလက်ရာတွေ က တကယ်ကြည်ညိုစရာကောင်းလွန်းလှပါတယ် ရှေးယခင်က လှေကုန်သည်များဟာ အခွန်များ (Customs) ကောက်ခံရာ ဒေသဖြစ်လို့  အခွန်များ ကောက်ခံရာ အကောက်တောင်လို့  နာမည်ထွင်ခေါ်ပါတယ်


“ဟိုးအရင်တုန်းက လှေထိုးသားတွေက အောက်ပြည်က ကုန်တွေကို အထက်အညာဆီ တက်ပြီးကုန်ရောင်းကုန်ဝယ်လုပ်ကြပါတယ်။ သူတို့က လေနဲ့ရွက်လွှင့်ပြီး လှေထွက်ရတာဖြစ် တဲ့အတွက်အခုအကောက်တောင်လို့ သတ်မှတ် ထားတဲ့နေရာကိုရောက်ရင် လေတိုက်မယ့်အချိန် ကိုစောင့်ရင်းနဲ့ သူတို့တွေက ဘုရားဆင်းတု တော်ပုံတွေကို ကျောက်တောင်တွေရဲ့ နံရံမှာ ထုထွင်းခဲ့ကြပါ
တယ်။ အဲဒါတွေက အကောက် တောင်ရဲ့ စိတ်ဝင်စားဖို့ကောင်းတဲ့ ဆွဲဆောင် မှုတွေထဲက တစ်ခုပါ” ဟု မြန်မာတိုင်း(မ်)မှာ ရေးထားတာလည်း မှတ်သားရသည်။

05 A Kyauk taung

နောက်ပြီး ဒီနေရာဟာ ဧရာဝတီမြစ်ဆိပ်နားနီးတဲ့ လှေများနဲ့ ရေကြောင်းမှ ကုန်သွယ်စီးပွားကူးသန်းရောင်းဝယ်ခဲ့ရာ ဒေသဖြစ်ခဲ့လို့ လည်း စီးပွားဖြစ်ထွန်းခဲ့ဟန်တူပါသည်။
လှေ ကုန်သည်များနှင့်အတူပါလာတဲ့ ကျောက်ဆစ်ပန်းပုပညာရှင်များဟာ
တောင်နံရံမှာ ဘုရားရုပ်ပွားတော်များ အစီအရီ ထွင်းထုခဲ့လေသလားဆိုပြီး
ဆက်လက် စဉ်းစားတွေးနေကြည့်ပါတယ်
02 a kyauk taung


အကောက်တောင် နံရံကပ်ဘုရားများကို ဧရာဝတီမြစ်ကနေ စက်လှေတွေ ပေါ်ကနေ ဖူးရမှာ ဖြစ်ပြီး တောင်ပေါ် ရွှေမြင်တင်စေတီ ဘုရားရှိရာကို တောင်အနည်းငယ်တက်ရမှာ ဖြစ်ပါတယ်။
ရှေးဟောင်းသမိုင်းဝင် ရွှေမြင်တင်စေတီကတော့ ရှေးကုန်းဘောင်ခေတ်အခါက ထုံးစေတီဖြစ်ခဲ့ပြီး ယခုအခါတွင် ရွှေသင်္ကန်းကပ်ထားခြင်းဖြစ်ပါတယ်။

အရင်ခေတ်အခါက ဘုရားတစ်ထောင် အကောင်တောင်ဆိုပြီး ရှိခဲ့ရာမှ
ယခုအခါ သုံးရာ့ခုနှစ်ဆယ်ကျော်ကျော်ခန့် လောက်သာ ရှိတော့သည်။

အထက်မြန်မာပြည်ကို အင်္ဂလိပ်တွေကျူး ကျော်လာစဉ်
စစ်သူကြီးမဟာဗန္ဓုလ သား မောင်မောင်တင် က အကောက်တောင်ပေါ်ကနေ စစ်သင်္ဘောတွေကို တော်လှန်တိုက်ခိုက်ခဲ့တာကြောင့် စစ်ဒဏ် တွေ ခံရကာ နံရံဘုရားတွေ ဗုံးတွေမှန်ခဲ့ပြီး ပျက်စီးခဲ့ရပါတယ်၊ မိုးရွာသွန်းမှုများလို့ ခြုံတွေကွယ် ၊ ရာသီဥတုဒဏ်တွေကြောင့်
ယခုအခါ ကျောက်တောင် နံရံကပ်ဘုရားပေါင်း သုံးရာ့ခုနှစ်ဆယ် ကျော်ခန့် သာ ဖူးတွေ့ နိုင်မည်ဖြစ်သည် ဟု လမ်းညွှန်က ရှင်းပြပါသည် ။

07
စစ်ဒဏ် မိုးဒဏ် လေဒဏ် ရာသီ
ဥတုဒဏ်များခံခဲ့ရတဲ့ နံရံထက်က ရုပ်ပွားတော်မြတ်များလက်ရာများက ဒီနေ့ခေတ်လက်ရာတွေနဲ့ မတူပါ
တောင်စောင်းနံရံထက် သစ်ပင်ချုံနွယ်များအကြား ရှေးဘုရားလက်ရာများက အလွန် ကြည်ညိုသပ္ပါယ်စရာကောင်းလွန်းလှပါသည်

 

 

အကောက်တောင်မှာ ရုပ်ပွားတော်မြတ်များမှာ မြစ်ကမ်းနားနီးတဲ့ တောင်နံရံကပ်ဘုရားရုပ်ပွားတော်များ ဖြစ်သည့်အားလျော်စွာ  ရေရှည်တည်တံခိုင်မြဲစေရန်

ညောင်ထောက်သည့် ဓလေ့ကိုလည်း တွေ့ မြင်ခဲ့ရသည်။

IMG_9428

ရွှေမြင်တင်စေတီရှိရာသို့ တောင်ပေါ်တက်ရာတစ်လျှောက်

 

ရာင်စုံဝါးချောင်းလေးများကို ရောင်းသူများနှင့် စည်ကားနေသလို ဘုရားဖူးများမှလည်း လိုရာဆုကို တောင်းပြီး ညောင်ထောက်ကြသည်။

 

IMG_1182

 

03 a kyauk taung

အကောက်တောင် နံရံကပ်ဘုရားတွေကို စက်လှေပေါ်ကနေ
ဖူးမျှော်ဓာတ်ပုံရိုက်နိုင်မှာဖြစ်ပါတယ်။

08 a kyauk taung

ပုံပါ ဧရာဝတီမြစ်ကမ်းမှာ ဆိုက်ရောက်ပြီး တောင်ပေါ်ရွှေမြင်တင်စေတီရှိရာကို တောင်အနည်းငယ် တက်ရမှာပါ
တောင်ပေါ်မှာ ဘုရားဖူးပြီးရင် တခြားကားလမ်းနဲ့ ပြန်လို့ ရပါတယ် ။

09 a kyauk taung

နှောင်းလူတို့တည်ထား ထွင်းထုထားခဲ့တဲ့ လက်ရာသေသပ်ပြောင်မြောက်လှတဲ့ တောင်နံရံကပ် ဘုရားရုပ်ပွားတော်မြတ်များအား မြစ်ဧရာမှ သက်သေထူကာ သွားရောက်ဖူးမျှော်နိုင်ပါကြောင်း မျှဝေလိုက်ပါတယ်နော် – – –

Written & PHOTOGRAPHY BY:
Flying^A^

“ငါးကပေးသော သင်ခန်းစာအတွေးများ”


 

ဒီနေ့  ညနေဘက် သူငယ်ချင်းတစ်ယောက်နဲ့  မုန့် သွားစားတော့
အလှမွေး ငါးကန်လေးတွေ လမ်းမှာ တွေ့ ခဲ့ကြသည်။

ကျွန်မက အဲသည်လို လှလှပပ လုပ်ထားတဲ့ ငါးကန်လေးတွေနဲ့  ချစ်စရာငါးလေးတွေ သဘောကျပေမယ့်
ငါးမွေးခြင်း နဲ့ ပက်သက်လို့ ပက်သက်လို့ ငါးလေးတွေ ဘက်က ခံစားပြီး အတွေးတစ်ခု အမြဲရှိခဲ့ဖူးသည်။

“ငါးလေးတွေ မွေးတာကို ကိုယ့်ဘက်က ကြည့်ရတာ စိတ်ချမ်းသာပေမယ့်
သူတို့ ငါးလေးတွေဘက်ကကြည့်ရင် မှန်အိမ်နဲ့ နေရတာ သိပ်ကို ကျဉ်းကြပ်နေရှာမှာပဲနော်….
ငါတို့ အမြင်မှာ လှလှပပလေး ခံစားဖို့  သူတို့ ခမျာမှာများ အဲသည့်နေရာ မှန်ဘောင်လေးထဲကနေ ဘယ်တော့မှ

မထွက်နိုင်ရှာတော့ဘူးလေ ”

အဲသည်လို ကျွန်မရဲ့ ခံစားချက်ကို သူငယ်ချင်းကို လမ်းလျှောက်ရင်းနဲ့ ပြောဖြစ်ခဲ့ပါသည်။

” နင်က အဲဒီလို ခံစားတာတော့ တစ်ပိုင်းပေါ့
တကယ်လို့  သူတို့ က သိပ်ကို လွတ်လပ်တဲ့ပင်လယ်ပြင်ကြီးထဲမှာနေမယ်ဆိုရင် ငါးကြီးတွေ စားတာ ခံရမှာပဲလေ..
အခုလို မှန်အိမ်လှလှလေးထဲမှာ ငါးအလှမွေးထားတာ ခံရတော့ အချိန်တန်ရင် ကောင်းကောင်း ဇိမ်နဲ့ စားရ၊

အေးအေးဆေးဆေး သူတို့ အသက် အန္တရာယ်ကိုလည်း ကာကွယ်နိုင်တယ်လေ…” ဟု သူ့ အမြင်ကို ပြောပြလေသည်။

ဒီတော့ သူမ က သူမတွေးမိသမျှကို ပြန်ပြောပြတော့ ဒါလည်း ဟုတ်ပါလားဟု ပြန်စဉ်းစားမိသွားပါတယ်။
” Big Fish Eats Little Fish ”

Big Fish eats little fish

ငါးကြီးများက ငါးသေးလေးများကို စားတဲ့ သီအိုရီကိုလည်း ပြန်သတိရမိသွားသည်။
နိုင်ငံခြား စီးပွားရေးလောကမှာ ကုမ္ပဏီကြီးတွေက ယိုင်နဲ့ လာသော ကုမ္ပဏီသေးလေးတွေကို ၀ါးမြိုတာကိုလည်း ဖတ်ဖူးခဲ့တာ မဆီမဆိုင်သွား သတိရမိပြန်သည်။

တစ်ချို့ နေရာတွေမှာ ကိုယ်က ပင်လယ်ထဲ ရောက်သွားတဲ့ ငါးလိုမျိုး ခံစားရသလို
တစ်ခါတစ်လေလည်း မှန်ဘောင်ထဲ အလှသွင်းခြင်းခံထားရတဲ့ ငါးတွေလို ခံစားရတာတွေ ရှိကို ရှိသည်။
အဲ… အလှမွေး ငါးတွေ မမွေးဖြစ်သည့်တိုင် ကိုယ်တွေရဲ့ ပတ်ဝန်းကျင်မှာ အရေးကြီးဆုံးအချက်တစ်ချက်လည်း

ကျန်သေးသည်။

ငါးဟင်း ငါးကြော်တွေစားရတဲ့အခါတိုင်း အရိုးမစူးဖို့ လည်း သတိထားရသေးသည်။ အရိုးစူးရင် ကိုယ့်ကို
ဒုက္ခပေးနိုင်သည်မို့ လေ။

ထားတော့ သူတို့ တွေက ငါးမို့ လို့ 
ကိုယ်က လူဆိုတော့ လူလို ဆက်တွေးဖို့ ပြင်မိသည်။
လူ့ လောကထဲ ငါရောက်လာတာ

လောကအတွက်
– အလှဆင်ဖို့ လား
– အသုံးဝင်ဖို့ လား
– ကိုယ့်မြေမဟုတ်တဲ့ ကျယ်ပြန့် လှတဲ့ ပင်လယ်ရပ်ခြားမှာ လွတ်လွတ်လပ်လပ် ရှင်သန်နိုင်ဖို့ လား
– ကိုယ်က သူများကို အန္တရာယ် ရှိစေနိုင်တဲ့ အရိုးစူးစေနိုင်တဲ့ လူလား

စသည် စသည် ဖြင့်.စစ်ဆေးဖို့ တွေလိုလာသည်။

ဘယ်လိုပဲဖြစ်ဖြစ်
အမှန်တော့ ဆက်တွေးရင် အများကြီး…
လျှောက်တွေးရင်းနဲ့ အချိန်တွေလည်း ကုန်လာသည်။ ခေါင်းတွေလည်း စားလာသည်။
လောလောဆယ်တော့ သိပ်မတွေးတော့ဘဲ ငါးက ပေးသော သင်ခန်းစာ၊ လူကပေးသော သင်ခန်းစာတွေနဲ

့ပတ်ဝန်းကျင်က ပေးသော သင်ခန်းစာတွေ ဆက်ပြီး လေ့လာလိုက်စားဖို့ ပြင်နေရတော့သည်။

မြလေးသျှင်
17/08/ 2014

japan football”လွန်ခဲ့သော နှစ်တစ်ရာတုန်းက မြန်မာက ဂျပန်ကို သင်ပေးဖူးသော ဘောလုံးနည်းစနစ် အကြောင်း”


japan football

ဒီနေ့ ကြေးမုံသတင်းစာ  ( 23/03/2014) နေ့ သတင်းစာထဲမှာ ဖတ်ရတဲ့သတင်းကတော့ တော်တော် စိတ်ဝင်စားဖို့ ကောင်းပါတယ်။
သတင်းတွေက အကြောင်းအရာမျိုးစုံတွေ ပေမယ့် ဘောလုံးနဲ့ ပက်သက်လို့ ဘောလုံးနဲ့ ဆိုင်တဲ့ သတင်းတစ်ခုပါလာတဲ့အတွက် ပြန်လည်မျှဝေပေးချင်လို့ ပါ။
ဖတ်ပြီး ၀မ်းသာရမလို ၀မ်းနည်းသလိုလို ဖြစ်သွားသည်။

ဒီလိုပါ ဂျပန် နိုင်ငံခြားရေးဝန်ကြီး ဖူမီရို ကီရှီဒါ ကို ရန်ကုန်မြို့က ဂျပန်သံရုံးမှ တဆင့် ဆက်သွယ် မေးမြန်း ဖြေကြားခဲ့ရာမှာ မြန်မာနိုင်ငံ နှစ်နိုင်ငံဆက်ဆံရေးနဲ့ ပက်သက်ပြီး ဘယ်လိုအကျိုးသက်ရောက်မှု ရှိပုံတွေကို ဖြေကြားထားတာ စိတ်ဝင်စားဖို့ အတော်ကောင်းပါတယ်။
မေးမြန်းသူက ဒေါက်တာ သာစိန် ဖြစ်ပါတယ်။သူက  ဆောင်းပါးရှင်ပါ။

ဂျပန် နိုင်ငံခြားရေးဝန်ကြီး ဖြေကြားပုံက တော်တော်လေးမှတ်သားစရာကောင်းလွန်းပါတယ်။

အဲသည်လို မေးမြန်းရာမှာ ဂျပန် နိုင်ငံခြားရေးဝန်ကြီး ဖူမီရို ကီရှီဒါ က ဖြေကြားထားပုံကတော့

” မြန်မာနိုင်ငံမှာ ဘောလုံးအားကစားကို အလွန် လူကြိုက်များတယ်လို့ ကြားသိရပါတယ်။
ဂျပန်နိုင်ငံဟာ ဒီနှစ် ဘရာဇီးနိုင်ငံမှာ ကျင်းပမယ့် World cup ပြိုင်ပွဲမှာ ၀င်ရောက်ယှဉ်ပြိုင်မှာ ဖြစ်ပါတယ်။
ဂျပန်ဘောလုံးအသင်းဟာ ဘောလုံးအပေးအယူ ခပ်စိပ်စိပ် လုပ်တဲ့ ချိတ်ဆက် ကစားဟန်ဆိုပြီး ကျော်ကြားပါတယ်။
အမှန်တော့ ဒီကစားနည်း ကစားဟန်ဟာ လွန်ခဲ့တဲ့ နှစ် ၁၀၀လောက်က မြန်မာနိုင်ငံကနေ  ဂျပန်နိုင်ငံကို ပညာတော်သင် အဖြစ် လာရောက်ခဲ့တဲ့ ကိုကျော်ဒင်က အဲဒီ့အချိန်က  ဂျပန်လက်ရွေးစင် ဘောလုံးသမားတွေကို လေ့ကျင့်သင်ကြားပေးတာကနေ အစပြုခဲ့တယ်လို့ ဆိုကြပါတယ်။ ” တဲ့ ……

အဲဒီ့အကြောင်းအရာလေးတစ်ခုပဲ ဖတ်လိုက်ရရုံ ရှိသေး ခေါင်းထဲ SEA GAME တုန်းက  ဘောလုံးအကြောင်းတွေ ပြန်ပြီး သတိရမိသည်။
ကိုယ်တို့ မြန်မာက အိမ်ရှင်အသင်းလက်ခံကျင်းပခဲ့တဲ့ SEA GAME မှာတောင် မနိုင်ခဲ့။ အမျိုးသမီးဘောလုံးအသင်းကတော့ တကယ့်ကို အားကြိုးမာန်တက် ကြိုးစားခဲ့ပါတယ်။ ဒါပေမယ့် အမျိုးသားဘောလုံးအသင်းမှာ အတော်လေး
အရှက်ကွဲစရာတွေ အထိတောင် ဖြစ်ခဲ့သည်။

ပြီးခဲ့တာတွေ ပြန်မစချင်ပေမယ့်  ဂျပန် နိုင်ငံခြားရေးဝန်ကြီးက ကိုယ့်မြန်မာနိုင်ငံက သင်ပေးလိုက်တဲ့ မြန်မာလူမျိုးကို ကျေးဇူးတင်တဲ့အနေနဲ့ ပြန်ပြောသွားခဲ့ခြင်းအပေါ်
အော်…ကိုယ့်နိုင်ငံက လူမျိုးတွေက တစ်ချိန်က ဒီလိုတော်ကြပါလား အသိ ပြန်ရသွားပါတယ်။

ဂျပန်တွေ ပုတယ် ဆိုပြီး ဆယ်စုနှစ်တွေအကြာမှာပင် ပြောင်းသွားသည်။
ဂျပန် မှာ ဘွန်ဆိုင်း သစ်ပင်ပုလေးတွေလို့ နာမည်ကြီးသည်။
ဒီအပင်သဘောတရားက ကိုယ့်တို့ မြန်မာပြည် ရောက်လာသည်။
အသက်တွေသာကြီးပြီး ဖွံ့ ဖြိုးမှုအားနည်းကာ ဒီထက်တိုးပြီး ကြီးမလာသော သစ်ပင် ကို ဘွန်ဆိုင်း ဟု ခေါ်လျှင်
ဒီအပင်မျိုး ကိုယ်တို့ တွေ မဖြစ်ပါစေနဲ့ ဟုသာ…။

သူတို့ တွေက သူများနိုင်ငံ သူများလူမျိုးတွေဆီမှ ကောင်းတဲ့ အတက်တွေ ရသလောက် ယူကြပါလား ဟူသော အသိ ပြန်ဝင်လာသည်။
ပြီးတော့ ဒီနှစ် ဘရာဇီးနိုင်ငံမှာ ကျင်းပမယ့် World cup ပြိုင်ပွဲမှာ ၀င်ရောက်ယှဉ်ပြိုင်မှာဆိုတော့ တော်တော်ကြီးကို အဆင့်ကွာနေပြီလို့ 
အကြမ်းဖျင်း သိလိုက်ရသည်။

ဂျပန်တင်ပဲလား မဟုတ် ဟိုးအရင် တစ်ခေတ်တစ်ခါက အရှေ့ တောင်အာရှမှာတောင် မြန်မာက ရှေ့ ရောက်ခဲ့တာတွေကို ဖတ်ဖူးတော့ အားပဲ တက်ရမလိုလို …
ခေတ်ကတော့ ပြောင်းကို ပြောင်းနေသည်။

ကိုယ့်ခေတ်မှာ မမှီတော့ မယုံချင်သလိုလို ဖတ်ရမှတ်ရဖူးသည်။
စင်္ကာပူအမျိုးသားခေါင်းဆောင်ကြီး  လီကွမ်ယူက တစ်ခေတ်တစ်ခါက စင်ကာပူကို မြန်မာနိုင်ငံကို အားကျပြီးလုပ်ဆောင်ခဲ့သည်ဆိုတာကလည်း ရှိသည် ဟု ဖတ်ဖူးခဲ့သည် ။

ခေတ်တွေ စနစ်တွေ နိုင်ငံရေး စီးပွားရေးတွေ ဒါတွေ ထပ်လေ့လာရင် အများကြီး အများကြီး ရှိသေးသည်။ ကိုယ့်တိုင်းပြည်က အတော့်ကို လိုသေးသည်။
သမိုင်းက တစ်ပါတ်ပြန်လည်သွားသည် ဟု ဆိုခဲ့ပါလျှင်တောင်
သူတို့ ချည်းပဲ လည်နေလို့ မပြီး
ကိုယ့်ဘက်က ပြန်လည်ဖို့ ပဲ ရှိတော့သည်။

မြလေးသျှင်
23/03/2014

“သူလိုလူ”


“သူလိုလူ”

ဓါးတွေကို နေ့စဉ်နီးပါး ကိုင်နေရ

မီးတွေနဲ့လည်း မပါမဖြစ် အမျိုးမျိုး ကျော်ဖြတ်သန်းခဲ့ရ

သေပြီးသား အညှိအနံ့ရှိတဲ့ အသားတွေကိုလည်း မဖြစ်မနေ ခုတ်ထစ်ရ

အရွက်သီးနှံတို့ကိုလည်း ဝမ်းစာသစ်တွေအတွက် ခုတ်သင်ဖြေရှင်းရ

ရေနွေးပွတ်ပွတ်ဆူဆူလည်း မလစ်ဟင်းစေရ

အညစ်အကြေးတွေ ဟူသမျှကိုလည်း သန့်ရှင်းဖို့ရန် တာဝန်ဝတ္တရားကလည်း ရှိပြန်သေး

အရာရာမှာလည်း လိုက် အုပ်ထိမ်းစီမံရ

ဒါတွေ ဒီလိုအလုပ်တွေဟာ

ဟိုခေတ်ဒီခေတ်က စစ်သည်တော်ရဲမက်တွေရဲ့ စစ်ဆင်ရေး တွေလို

သူတို့ရဲ့ နေ့စဉ် အလုပ်တာဝန်များလို ဝတ္တရား မပျက်စေရ

ဟုတ်တယ်. ပုခတ်လွှဲသော မိခင်များ

ဒါတွေဟာ အိမ်ရှင်မများရဲ့နေ့စဉ်တာဝန်ဝတ္တရားများပဲပေါ့

ဓါးတွေကိုင်တာလည်း လူသတ်ဖို့ မဟုတ်

သူ့ဘဝထဲမှာ

ကိုယ့်အသက်ခန္ဓာကိုယ်တောင် မငဲ့ဘဲ လူသားအသစ်လေးကို မွေးဖွားပေးခဲ့တယ်နော်

ဘယ်လိုပဲဖြစ်ဖြစ်

ကျေးဇူးပါ မေမေ ။ ။

ကမ္ဘာမှာ ရှိတဲ့ အားလုံးသော မိခင်များအတွက်
မြလေးသျှင်

၁၅/၁/ ၂၀၁၄

ဦးသုခရဲ့  မြန်မာပြည် အမေများနေ့ အမှတ်တရ1510492_632475863476339_1426452340_n

ဟိုတုန်းက စိမ်းလဲ့တင် ရဲ့ မြေနေရာ


ဒီဓာတ်ပုံထဲမှာ စိမ်းလဲ့တင် မြေနေရာရဲ့ သမိုင်းကြောင်းကို ရေးထားပါတယ်။
” ၂၀၀၀ ပြည့်နှစ် ဇန်နဝါရီံတွင် စိမ်းလဲ့တင် မြေနေရာကို ငွေ(၂၅၀,၀၀၀)ကျပ်ဖြင့်
ဝယ်ယူခဲ့ပြီး မြေနေရာအား ရှင်းလင်းနေပုံ ” ဆိုပြီး ဖော်ပြထားပါတယ်

လွန်ခဲ့တဲ့ တစ်ဆယ့်လေးနှစ် (၁၄) လောက်က စိမ်းလဲ့တင်မြေနေရာဟာ
မြန်မာငွေကျပ် နှစ်သိန်းခွဲလောက်ပဲ တန်ပါတယ် ။
အဲဒီတုန်းက လယ်မြေတောရိုင်းသာသာလေးပါ

အခုခေတ် နဲ့တွက်ရင် ရွှေငါးမူးသားတောင် မရပါဘူး။

အဲဒီ့ခေတ်က ဈေးတွေနဲ့ တွက်ကြည့်ရင်တော့ တော်တော်လေး ကွာမှာပါ

အဲဒီတုန်းက ဘာမှ မရှိတဲ့ မြေလွတ် မြေရိုင်းကြီးပါ
ဓာတ်ပုံကိုကြည့်ရုံနဲ့ သိနိုင်ပါတယ်

အခုတော့ နိုင်ငံခြားသား ဧည့်သည်တွေ သဘောကျနိုင်တဲ့ သန့်ရှင်းသပ်ရပ်တဲ့ အဆင့်မြင့် စားသောက်ဆိုင် တွေ ကာရာအိုကေဆိုင်တွေ တည်းခိုနားနေခန်းတွေ တိရိစ္ဆာန်ရုံတွေအထိ
သာယာတဲ့ နေရာအဖြစ် ဖန်တီးထားတာ ဟာ တော်တော်အတုယူဖို့ကောင်းပါတယ်

ကြားဖူးနေတဲ့ ကုန်ကြမ်းတွေကို ( Value Added )တန်ဖိုးမြင့်တဲ့ ကုန်ချောအဖြစ် ကူးပြောင်းတဲ့
အခြေအနေ ဟာ စီးပွားရေးလုပ်ငန်းတွေမှာ အလွန်အရေးပါ ပါတယ်

ဒီထက်ပိုပြီး အဆင့်မြင့်တဲ့ ဝန်ဆောင်မှုလုပ်ငန်းတွေမှာတော့
တန်ဖိုးမြှင့်ဖို့က ပိုခက်သလို ပိုပြီးတော့လည်း သိမ်မွေ့ပါတယ်

ဟိုတယ် စားသောက်ဆိုင် တို့လို အဆင့်မြင့် ဝန်ဆောင်မှုတွေပေးတဲ့နေရာမှာ
နိုင်ငံခြားသားတွေအတွက်လည်း ကြိုက်နှစ်သက်မယ့် စံချိန်တွေနဲ့
မြန်မာယဉ်ကျေးမှုတွေပါအတူ ထည့်သွင်းပေးနိုင်တာမျိုးက လေးစားအတုယူဖွယ်စရာပါ။

Flying^A^

“အမြင်ကို ပြောင်းကြည့်လိုက်ပါ”


“အမြင်ကို ပြောင်းကြည့်လိုက်ပါ”

တစ်ခါတုန်းက သန်းကြွယ်သူဌေးတစ်ယောက်ဟာ မျက်စိဝေဒနာကို ခံစားနေရတာကြောင့်

စိတ်ပင်ပန်းဆင်းရဲ လို့ နေပါတယ်။

သူဟာ နားလည်တက်ကျွမ်းတဲ့ သမားတော်တွေနဲ့ ပြသတိုင်ပင်ခဲ့ပြီး သူ့ မျက်စိရောဂါကို

ကုသခဲ့ပါတယ်။
ဝါရင့်ကျွမ်းကျင်တဲ့ သမားတော်တွေဆီက ဆေးထိုး ဆေးသောက်နဲ့ ကုသမှုများစွာကို မရပ်မနား

ခံယူခဲ့ပါတယ်။

ဒါပေမယ့် ဒီဝေဒနာက ကုသပေမယ့် မပျောက်ဘဲ ပိုဆိုးလာသလို ဖြစ်နေတယ်။

နောက်ဆုံးမှာ ဘုန်းကြီးတစ်ပါးက သူဌေးရဲ့ ရောဂါဝေဒနာကို လာ ကြည့်ပါတယ်။

လာကြည့်တဲ့အခါ ဘုန်းကြီးက သူဌေးရဲ့ မျက်စိရောဂါအခက်အခဲကို နားလည်သွားပြီး
သူရဲ့ မျက်စိအတွက် အစိမ်းရောင်တစ်မျိုးတည်းကိုသာ အာရုံစိုက်ကြည့်ဖို့ နဲ့ 
တခြားအရောင်တွေကို ကြည့်လို့ မရဘူး လို့ ပြောပါတယ်။

ရှင်းရှင်းပြောရရင် သူ့ မျက်စိရောဂါက အစိမ်းရောင်ကလွဲရင် ကျန်တဲ့ အရောင်တွေနဲ့ မတည့်တာပါ။

အဲဒီ့တော့ သူဌေးဟာ ပန်းချီဆရာများကို ခေါ်စုပြီး အစိမ်းရောင်ဆေးတွေကို စည်ပိုင်းလိုက်ကို

ဝယ်ထားပါတော့တယ်။

ပြီးတော့ ဘုန်းကြီး မိန့် မှာထားတဲ့အတိုင်း သူ့ မျက်စိနဲ့ ကြည့်မယ့် အရာဝတ္ထုတိုင်းကို

အစိမ်းရောင်တွေ ဆေးသုတ်ထားလိုက်ဖို့ ကို ညွှန်ကြားထားလိုက်ပါတော့တယ်။

ရက်အနည်းငယ်လောက်အကြာမှာ ဘုန်းကြီးက သူဌေးကို လာကြည့်ပါတယ်။

အဲဒီ့အချိန်မှာ သူဌေးရဲ့ တပည့်တပန်းတွေက အစိမ်းရောင်သုတ်ဆေးတွေ ပုံးနဲ့ ယူချလာပြီး

ဘုန်းကြီးသင်္ကန်းပေါ် လောင်းချလိုက်ပါတော့တယ်။

ဘုန်းကြီးရဲ့ သင်္ကန်းဟာ အနီရောင်ဆင်မြန်းထားတာကြောင့် သူတို့ ဆရာရဲ့ မျက်စိဝေဒနာ

ပြန်မဖြစ်ရလေအောင် အခြားသောအရောင်တွေကို မမြင်စေလိုတဲ့အတွက် ကြောင့် ပါတဲ့။

အဲ့ဒီလိုလည်း ကြားရရော ဘုန်းကြီးက ရယ်ပါလေရော ….
အကယ်လို့ သာ မင်းဟာ အစိမ်းရောင် မျက်မှန်တစ်စုံသာ ၀ယ်တပ်လိုက်မယ်ဆိုရင်
ငွေကြေးအနည်းငယ်သာ ကုန်ကျမှာဖြစ်ပြီး မင်းဒီလို နံရံတွေ ပန်းအိုးတွေနဲ့ 
တခြားသော ပစ္စည်းတွေလည်း သိပ်ပြီး အစိမ်းရောင် ခြယ်သနေစရာ မလိုတဲ့အတွက်
အကုန်အကျတွေလည်း မများတော့ဘူး။

ကမ္ဘာကြီးတစ်ခုလုံးကို အစိမ်းရောင်တွေနဲ့  မင်း ဆေးမခြယ်နိုင်ပါဘူး…
ငါတို့ အမြင်တွေကိုသာ ပြောင်းဖို့ သာ လိုအပ်တာပါ…
အဲဒါဆို ကမ္ဘာကြီးလည်း သူ့ အလိုလို ပြောင်းလဲလာမှာပါ…
ကမ္ဘာကြီးကို လှုပ်ကိုင်ဖို့ ဆိုတာ သိပ်ကို ရူးနှမ်းလွန်းပါတယ်…
ငါတို့ ကိုယ်တိုင်သာ အရင်ဆုံး လှုပ်ရှားဖို့ လိုတာပါ…
ငါတို့ အမြင်တွေကိုသာ ပြောင်းလိုက်စမ်းပါ….

မြလေးသျှင်

၆/၉/၂၀၁၃

(မှတ်ချက် ။ ။ ဒီပုံပြင်လေးထဲက တစ်ခုခုရသွားမယ်ထင်ပါတယ်။

အရင်ကရေးထားတဲ့ “(မင်းအလိုကျ) ကမ္ဘာကြီးကို မပြောင်းလဲလိုက်ပါနဲ့ ” ပုံပြင်သဘောတရားနဲ

့ဆင်တူပါတယ်။ ဒါပေမယ့် ဒီပုံပြင်ကိုဖတ်နေတုန်း ဘုန်းကြီးကို အစိမ်းရောင်ဆေးတွေနဲ

့လောင်းတဲ့အခန်း ဖတ်မိတော့ ကိုယ်တိုင် အရမ်းကြီး မရယ်မိတာတောင် သဘောကျပြီး ပြုံးမိပါတယ်။

တခါတလေ ကိုယ့်ပတ်ဝန်းကျင်မှာ အမြင်တွေမတူတာကို အတင်းကြီးလိုက်ပြောင်းနေလို့ မရတာတွေ ရှိပါတယ်။
အဲဒီ့အခါမှာ သူတို့ ကို လိုက်ပြောင်းလို့ ကိုယ့်ဘက်က ငွေအင်အား လူအင်အား နဲ့ လိုက်ပြောင်းလို့ ရနိုင်တာတွေ ရှိသလို
မရနိုင်တာတွေ လည်း ရှိပါတယ်။ ကိုယ့်ဘက်က မျက်စိနာဝေဒနာ ရှိရက်နဲ့  မျက်မှန်စိမ်းတပ်သင့်ရင်လည်း တက်ရမယ့် အလှည့် တွေလည်း ရှိတာကို ဒီပုံပြင်လေးက ပြောပြနေသလို ခံစားမိပါတယ်။

Change your Vision ကို ဆီလျော်အောင် မြန်မာ ဘာသာပြန်ထားပါသည်။)

“ကွမ်းစကား”


ငါ့အဖြစ်က

အသဲပုံနဲ့တူတဲ့ ကွမ်းရွက်လို

ဒါ့အပြင် ထုံးဖြူဖြူလေး သုတ်ပြီးတော့

ခွဲခံထိထားရတဲ့ ကွမ်းသီးစိတ်တွေနဲ့အတူ

မင်း စိတ်တိုင်းကျ ဝါးစားနိုင်တယ်

နောက်ဆုံး မင်းထွေးထုတ်လိုက်တဲ့အခါ

ငါ့ရဲ့ အနီရောင်သွေးတွေကို မြင်ရလိမ့်မယ် ။ ။

မြလေးသျှင်
၃၁.၈.၂၀၁၃

(“ဘလော့ဂ်ဒေး” Blog Dayအတွက် အမှတ်တရ အနေနဲ့ ရေးမိလိုက်ပါတယ်
မျက်လုံးပူစပ်လာလို့ ကွမ်းရွက်အုပ်ဖို့  ကွမ်းရွက်တွေကို ကြည့်မိရာမှ ရေးမိပါတယ် -:
ဆရာသုမောင်ရဲ့ ကွမ်းစကားနဲ့ သိပ်မဆိုင်ပေမယ့် ဒီနာမည်လေးပဲ ယူသုံးလိုက်မိပါတယ်…း)

ဦးမင်းလူ ကောင်းမှု


ဒီကဗျာလေးက ဦးမင်းလူကောင်းမှု ကဗျာစာအုပ်လေးထဲက ဆရာ ရေးခဲ့တဲ့ကဗျာလေးပါ…
ဆရာ ကွယ်လွန်သွားခဲ့ပေမယ့်
ဆရာ့စာတွေ သက်တော်ရာကျော်ရှည်နေမှာပါဆရာ…
ဆရာ့စာတွေ သိပ်ကြိုက်တဲ့ ပရိတ်သတ်တစ်ယောက်အနေနဲ့  ဆရာ့စာတွေက ဘယ်တော့ မှ မသေပါဘူးဆရာ

(ဆရာမင်းလူသည် ၁၄.၈.၂၀၁၃ ည ၁၁ နာရီခွဲတွင် ကွယ်လွန်သွားခဲ့ပါသည်။ )

 

(မင်းအလိုကျ) ကမ္ဘာကြီးကို မပြောင်းလဲလိုက်ပါနဲ့


 
ဟိုးရှေးရှေးတုန်းက ဥစ္စာဓန ကြွယ်ဝချမ်းသာစည်ပင်ဝပြောလှတဲ့ တိုင်းပြည်တစ်ပြည်မှာ
ဘုရင်တစ်ပါးအုပ်ချုပ်တော်မူပါတယ်

တစ်နေ့မှာ ဘုရင်ကြီးဟာ သူ့တိုင်းပြည်မှာ ရှိတဲ့ ဝေးလံခေါင်ဖျားတဲ့ဒေသတွေကို တိုင်းခန်းလှည့်လည်တော်မူပါတယ်

သူနန်းတော်လည်း ပြန်ရောက်ရော သူ့ခြေထောက်တွေ အရမ်းနာကျင်တယ်လို့မိန့်ကြားပါတယ်
ဘာဖြစ်လို့လဲဆိုတော့
ဒီခရီးလမ်းဟာ သူ့အတွက် ပထမဆုံး ရှည်လျားတဲ့ခရီးဖြစ်ကာ သွားခဲ့ရတဲ့ လမ်းဟာ ကျောက်ခဲတွေပေါများပြီး ခရီးလမ်းအရမ်းကြမ်းလို့ပါ

အဲဒါကြောင့် တိုင်းပြည်တစ်ခုလုံးမှာရှိတဲ့
တ တိုင်းပြည်လုံးမှာရှိတဲ့ လမ်းတွေအကုန်လုံးကို သားရေထည်တွေနဲ့ ခင်းကျင်းထားရမယ်လို့
သူ့လူတွေကို အမိန့်ထုတ်လိုက်ပါတယ်

တကယ်တမ်း သေချာ တွက်ကြည့်မယ်ဆိုရင် ဒီကိစ္စဟာ
ထောင်နှင့်ချီတဲ့ တိရိစ္ဆာန် အမြောက်အမြားရဲ့အရေခွံတွေသုံးရမှာဖြစ်သလို
ငွေလည်း ဧရာမ အများကြီးကုန်မယ့် အကြောင်းအရာမို့ပါ

အဲဒီအခါမှာ ဘုရင်ရဲ့ပညာရှိအမတ်တစ်ယောက်က ဘုရင်ကို ရဲရဲလျှောက်တင်လိုက်ပါတယ်

“အရှင်မင်းကြီး ဘာဖြစ်လို့ဒီလောက်ငွေတွေအများကြီး မလိုအပ်ဘဲ သုံးစွဲပစ်မှာလဲ
သားရေစနည်းနည်းလောက်ကိုသာ ဖြတ်ယူ သုံးစွဲပြီး
အရှင်မင်းကြီးရဲ့ခြေထောက်မှာ ဖုံးအုပ်ကာကွယ်ထားဖို့ဆိုရင်ရော ဘာလို့ မဖြစ်နိုင်ရမှာလဲ”

ဘုရင်ကြီး အံသြသင့်သွားပါတယ်
ဒါပေမယ့်လည်း ဘုရင်ဟာ သူ့အတွက် သားရေ ” ဖိနပ်” တစ်ရံပြုလုပ်ဖို့အတွက်
သူ့ပညာရှိအကြံပေးချက်ကို နောက်ဆုံးမှာ လက်ခံသဘောတူလိုက်ပါတော့တယ် I👟

ဒီပုံပြင်လေးက တကယ်တွေးကြည့်ရင် တန်ဖိုးရှိတဲ့ သင်ခန်းစာတွေပေးပါတယ်

တကယ်တော့ ဒီကမ္ဘာကြီးကို နေပျော်သာယာတဲ့ နေရာတစ်ခုအဖြစ် ဖန်တီးချင်ရင်

မင်းဟာ မင်းကိုယ်တိုင်သာ ပြောင်းလဲရမှာပါ

ကမ္ဘာကြီးကို ပြောင်းလဲလိုက်ဖို့မဟုတ်ပါ

မင်းရဲ့နှလုံးသား နဲ့ ( ဦးနှောက်) ကိုပါ …

မြလေးသျှင်
၎/၈/၂၀၁၃
Credit:
http://groups.yahoo.com/group/tionghoa-net/message/7231
Don’t Change the World ကို
ဆီလျော်အောင် ဘာသာပြန်ပါသည်။