နှစ်သစ်ပင်နား ခရီးသွားအတွေးများ


ဘာလိုလိုနဲ့ 2012 နှစ်သစ်ဆီသို့ ရောက်လင့်တော့သည်…
ကျွန်မတို့ တွေသည် ဘ၀ခရီးသွားများဖြစ်ကြသည်။ ခရီးတွေကို ဖြတ်သန်းရင်း ကျွန်မတို့ အသက်တွေလည်းကြီးလာကြပြီ..
နှစ်တွေသာ ကြီးလာပေမယ့် အရွယ်မဖွံ့ ဖြိုးသေးသော ဘွန်ဆိုင်းအပင်ပုလေးများကိုမြင်တိုင်း
ကိုယ်တို့ တွေများလို များဖြစ်နေမလားဟု အခါခါ သုံးသပ်ရသည်။
၂၀၁၁ ခုနှစ်မှာ အရေးကြီးသော အကြောင်းအရာအဖြစ်အပျက်များကတော့ ရေးလို့ မကုန်နိုင်အောင်ပင်၊

ပြီးခဲ့သည့် နိုဝင်ဘာ ၂၀၁၁ လောက်က ဘွန်ဆိုင်းပန်းပင်ပုလေးများအနုပညာပြပွဲကို သွားကြည့်ဖြစ်ခဲ့သည်။

ဘွန်ဆိုင်းအပင်တွေသည် ငယ်သည်၊ သေးသည် ၊ သို့ သော် အပင်များကို ဒီလိုဖြစ်အောင် ဂရုတစိုက်နှစ်ရှည်လများစွာ ပြုစုပျိုးထောင်ခဲ့သော အနုပညာစွမ်းအားကတော့ မသေးပါလား ဟု သုံးသပ်မိပါသည်။

နှစ်သစ်ကို ကြိုဆိုသော ပုံလေးတွေ၊ စာလေးတွေကို သူငယ်ချင်းများက ရေးကြ၊ ပေးပို့ ကြသည်။
ကျွန်မအနေနဲ့ တော့ ဒီဇင်ဘာလကုန်ခါနီးသွားမိသော ပုသိမ်ငွေဆောင်ဘက်သွားတဲ့ ခရီးသွားခဲ့ရာ တွေးမိသောအတွေးများဖြင့် ကြိုဆိုကြည့်ဖို့ စိတ်ကူးမိသည်။

ပုသိမ် ညောင်တုန်းဘက်အသွားမှာ တွေ့ ခဲ့ရတဲ့ ဆိုင်းဘုတ်လေးကတော့ ကျွန်မနှလုံးသားကို ပိုပြီး ဆူညံစေပါတယ်။ နှလုံးသားဆိုသည်မှာ ရင်ခုန်စရာကောင်းသည့်အကြောင်းအရာမှ မဟုတ်ပါဘူး၊ ကိုယ့်တိုင်းပြည်၊ ကိုယ့်ရာသီဥတု၊ ကိုယ့်ပတ်ဝန်းကျင်နှင့် သက်ဆိုင်လာသောအခါ ရင်ထဲ နှလုံးသားထဲ ဦးနှောက်ထဲ ဒိုင်းကနဲ အသံကြားလာလျှင် ဒါဟာ ကျွန်မတိုက်ရိုက်ခံစားမိတဲ့ မြည်ဟိန်းသံများဖြစ်လာပါတော့တယ်။

အဲသည့်ဆိုင်းဘုတ်မှာ အရင်ဆုံးဖတ်မိရသည်မှာ ဆင်းရဲ၍ ဟူသော စာသားပင်ဖြစ်သည်။
စာသားမှာ ဖတ်ကြည့်လျှင် စိတ်ဝင်စားဖို့ ကောင်းသည့်အပြင် ဆက်တွေးစရာတွေလည်းအများကြီးဖြစ်သည်။ ဆင်းရဲတာကို ဘယ်လိုလူသားမှ မကြိုက်၊ အနေဆင်းရဲ ၊ အသွားဆင်းရဲ ၊ ရောဂါမျိုးစုံချမ်းသာသော လူ့ ငရဲဟု ခေါ်လောက်သည့် ဆင်းရဲမှုသံသရာကို ဆင်းရဲသားများက ခံစားနေရသည်မဟုတ်ပါလား။

ကျွန်မ ပုသိမ်ဘက်အသွားတွင် လမ်းဘေး ကျောက်ခဲထုနေသည့် ငယ်ရွယ်သည့်အလုပ်သမားမိန်းကလေးများ၊ယောင်္ကျားလေးများကို ကားပေါ်မှ မြင်တွေ့ ခဲ့ရသည်။ ဒီလောက်ကြမ်းတမ်းသည့် ကျောက်ခဲများကို ထောင်မကျပါဘဲနှင့် ဘယ်သူက ထုချင်ပါ့မလဲ…ဆင်းရဲလို့ သာ ထုနေရသည်မဟုတ်လား..


အနင်းခံဘ၀
လမ်းဖြစ်သွားသည် မဟုတ်လား
ကျောက်တုံး ကျောက်ခဲများ။   ။

ဟု ဟိုက်ကူကဗျာတိုတိုလေးတစ်ပုဒ် စိတ်ထဲက ရေးခဲ့မိသည်။

ဆိုင်းဘုတ်ထဲမှာစာသားကို ပြန်ပြီးကောက်လျှင် အလှူဒါန ဟူသော စာသားလေးကို ထင်ထင်ရှားရှားတွေ့ မိသည်။ ကျွန်မအနေနှင့် အလှူဒါနတွေကို စိတ်ဝင်စားမိသော်လည်း ကိုယ်စိတ်မ၀င်စားသော အလှူဒါနမျိုးကိုမူ လက်တွန့် တာမျိုးတွေရှိသည်။ ကျွန်မတို့ 
မြန်မာလူမျိုးများ အလှူဒါနပြုရာ တစ်ချို့ နေရာတွေတွင် လိုအပ်ချက်များ၊ အားနည်းချက်များရှိသည်ကို
အမျိုးသားပညာဝန်ဦးဖိုးကျားက ဝတ္ထုတိုတစ်ပုဒ်ဖြင့် ထောက်ပြဖူးပါသည်။

စာအုပ်ခေါင်းစဉ်မှာ ဦးဖိုးကျား ၏ ကိုယ်တွေ့ ဝတ္ထုများမှ “ဘုရားဖူးသွားခြင်း” ဝတ္ထုတိုတစ်ပုဒ်ဖြစ်သည်။

http://www.maungmaungmfs.com/2010/12/blog-post_10.html

နေရာလေးတွင် အစအဆုံးဖတ်နိုင်ပါသည်။

ထိုဝတ္ထုတိုထဲမှာ ကျိုက်ထီးရိုးသွားရာတွင် မလိုအပ်သော အလှူများနှင့် လိုအပ်ပြီး ဆင်းရဲသော မိသားစုလိုအပ်ချက်ကို ထောက်ပံ့ပေးခဲ့သော လူတစ်ယောက်နှင့် အလှူဒါနလှူဒါန်းပုံခြင်းမတူသော သူငယ်ချင်းနှစ်ယောက်အကြောင်းကိုနှိုင်းယှဉ် ရေးသားခဲ့လို့ ကျွန်မသတိရနေမိခြင်းဖြစ်သည်။
လူတွေပြောနေကြသည်မှာလည်း “မရှိလို့ မလှူ၊ မလှူလို့ မရှိ” ဆိုတဲ့ စာသားလေးလိုပင်။ ဆင်းရဲမှုသံသရာက ရုန်းမထွက်နိုင်သူတွေက ဒုနဲ့ ဒေးပင်။
မည်သို့ ပင်ဖြစ်စေ ” ရေဘူးမပါရင် နွေအခါမှသိ ၊ ဒါန သီလ မပါလျှင် သေအခါမှသိ ” ဟူသော စာသားလေးကို ကျွန်မမှတ်မိနေတော့သည်။

ဆိုင်းဘုတ်ပါ “သစ်ပင်စိုက်ခြင်း” ဟူသော စာသားသည် လုံးဝကန့် ကွက်စရာမရှိသော အကြောင်းအရာဖြစ်သည်။
တစ်ရက်ပျော်ချင် အရက်သောက်၊

တစ်နှစ်ပျော်ချင် မိန်းမယူ၊

တစ်သက်လုံး ပျော်ချင်ရင် သစ်ပင်စိုက်ပါ။” ပါ ဟူသော စာသားလေးကလည်း သစ်ပင်စိုက်ဖို့ တွန်းအားပေးနေပြန်သည်။

ကျွန်မတို့ နေထိုင်ရာ ရန်ကုန်မှာတော့ တိုက်ခန်းတွေချည်းမို့ သစ်ပင်တွေကို ပန်းအိုးလေးနဲ့ သာစိုက်လို့ ရသည်။

 

သစ်တောနဲ့ သစ်ပင်၊ ချစ်ခင်တဲ့ လူမျိုး၊

“သစ်ပင်ကို နှစ်စဉ်စိုက်၊ ရွှေတိုက်ကို စိုး။

သစ်ပင်စိုက်ပါ တို့ကမ္ဘာ၊ သာယာလှပ စိမ်းမြမြ။

ဥတုရာသီ တောကိုမှီ၏ ။

သက်ရှိလောက တည်မြဲဖို့၊ သဘာဝတွေ ထိမ်းကြစို့။” အစရှိသော သစ်ပင်တွေကာကွယ်စောင့်ရှောက်ဖို့ သစ်ပင်တွေကိုချစ်မြတ်နိုးဖို့ စာသားတွေကလည်း နှိုးဆော်နေကြပြန်သည်။
သဘာဝပတ်ဝန်းကျင်ကို ထိမ်းသိမ်းဖို့ သစ်ပင်ပန်းမန်တွေကလည်း အရေးပါသည် မဟုတ်ပါလား။။

နောက်ဆုံး “ကုသိုလ်ယူပါ” စာသားလေးကို ကျွန်မဆက်တွေးမိသည်ကများပါသည်။
ပုသိမ်ဘက်သွားတဲ့ ပန်းတနော်မြို့ နယ်အ၀င်ဘက်မှာလည်း ဦးသန့် စာကြည့်တိုက်ကြီးတစ်ခုကို ခမ်းနားထည်ဝါစွာ တွေ့ လိုက်ရသည်။ ဦးသန့် ရုပ်ပုံကားချပ်ကြီးကို ကားပေါ်ကနေ ဖြတ်သွားနေတုန်းမို့ မမှီလိုက်လို့ ဓာတ်ပုံမရိုက်ဖြစ်ခဲ့ပါ။ စာကြည့်တိုက်တွေကို လှလှပပ ဂုဏ်ယူစွာတည်ဆောက်ထားတဲ့ ပန်းတနော်မြို့ ကိုလည်း အားကျမိသည်။ ရန်ကုန်မှာ ဘယ်စာကြည့်တိုက်ဝင်လို့ ဝင်ရမှန်းမသိဘဲ စာအုပ်ဆိုင်တွေသာများနေလို့ ဖြစ်သည်။
သစ်ပင်စိုက်ပြီး ကုသိုလ်ယူနိုင်သည်၊ စာကြည့်တိုက်များဆောက်၍လည်း ကုသိုလ်ယူနိုင်သည်၊ တံတားများဆောက်လုပ်၍လည်း ကုသိုလ်ယူနိုင်သည်။ စီးပွားရှာရာတွင်လည်းကုသိုလ်တွေကို မှန်ကန်သောနည်းလမ်းမျိုးစုံဖြင့် ယူလို့ ရသည်။ Corporate Social Responsibility  (CSR) လို့ လည်းပြောကြဆိုကြသည်။

သစ်တောဦးစီးက ပြောချင်သော ဆိုင်းဘုတ်ကို အတွေးပွားလို့ ပြီးသော်လည်း ကျွန်မ ဆက်ပြောချင်သော အကြောင်းအရာများက ရှိနေသေးသည်။
ဒီနေ့ Voice ဂျာနယ်မှ ဖတ်ရသော သတင်းတစ်ပုဒ်တွင် CNN က ထုတ်ပြန်တဲ့သတင်းမှာ သွားလာလည်ပတ်ရန်အကောင်းဆုံး ကမ္ဘာ့ နံပါတ် (၃) နေရာအဖြစ် မြန်မာနိုင်ငံကို CNN ဖော်ပြကြောင်း ဖတ်လိုက်ရသည်။ အခုတလော ရန်ကုန်မြို့ထဲတွင်လည်း ကမ္ဘာလှည့်ခရီးသွားများကို အတော်များများတွေ့ နေရသည်။
ငွေဆောင်ဘက်အသွားတွင်လည်း အပန်းဖြေခရီးထွက်လာသော ကမ္ဘာလှည့်ခရီးသည်များစွာကို တွေ့ ရပါသည်။
ပြီးခဲ့သည့် နိုဝင်ဘာလအတွင်းကလည်း Lonely Planet ခရီးသွားလမ်းညွှန်
ကမ္ဘာကျော်စာအုပ်ကြီးကလည်း ရှေးဟောင်းယဉ်ကျေးမှု အမွေအနှစ်များရှိပြီး အဖော်ရွေဆုံး၊ သဘောအကောင်းဆုံး လူမျိုးများနေထိုင်ရာမန်မာနိုင်ငံသည် ၂၀၁၂ ခုနှစ်အတွင်း ကမ္ဘာပေါ်တွင် ခရီးသွားလာရန်အကောင်းဆုံးဒေသများအနက် နံပါတ် ၂ နေရာတွင် ရှိသည် ဟု ထည့်သွင်းဖော်ပြခဲ့လေသည်။
စီးပွားရေးလုပ်ငန်းရှင်များ၊ နီးစပ်ရာမိတ်ဆွေများက ပြောကြသည်မှာ မြန်မာပြည်ရှိ ဟိုတယ်များ  နှစ်နှစ်စာလောက်ထိ Booking များပြည့်နေပြီဟု ကြားသိရသည်။ ခရီးသွားလာရေးလုပ်ငန်းသည် မီးခိုးတိတ်စက်ရုံလိုပင် တိုင်းပြည်ဝင်ငွေတိုးစေသော လုပ်ငန်းဖြစ်သည်။
၂၀၁၁ မှာ ပြောင်းလဲလာတဲ့ နိုင်ငံရေးများ၊ တိုင်းပြည်အတွက် အလားအလာကောင်းသောသတင်းများက ကြားရသူအတွက် အားတက်စရာပင်၊ သို့ သော် ပုသိမ် ငွေဆောင်ဘက်အသွားတွင် ကမ္ဘာလှည့်ခရီးသွားများအဆင်မပြေဖြစ်နိုင်သော လမ်းခုလတ်မှ အကြောင်းအရာတစ်ခုကို တွေ့ လိုက်ရသည်။ ကျွန်မတို့ တွေသည် အ၀င်တွေကိုပဲ ကြိုဆိုနေကြသည်။ အထွက်တွေကိုလည်း ဂရုစိုက်ဖို့ လိုသေးသည်။
ဖြစ်ပုံမှာ –
ရန်ကုန်မှ ပုသိမ်သို့ ကားလမ်းခရီး လေးငါးခြောက်နာရီ ဆက်တိုက် လူတိုင်း မစီးကြပါ။ ကားသမားတိုင်း လမ်းခုလတ်ရှိ စားသောက်ဆိုင်တစ်နေရာရာတွင် ရပ်ပေးတက်ကြသည်။ အဲသည်လိုရပ်ပေးတက်ကြသည်မှာ ကားသမားနှင့် စားသောက်ဆိုင်ပိုင်ရှင်တို့ အပေးအယူရှိတက်ကြပါသည်။
ဤသည်မှာ အရေးမကြီးသေးပါ။ အရေးကြီးသည်မှာ ထိုစားသောက်ဆိုင်သိုလာရောက်နားခိုသော ခရီးသည်များအတွက် အပေါ့အလေးသွားရန်ဆောက်ထားသော အိမ်သာများသန့် ရှင်းမှုမရှိ
သည့်အတွက် နိုင်ငံခြားသားများအတွက် အခက်တွေ့ စေပါသည်။ အိမ်သာတွေက ဘိုထိုင်တွေမရှိသည့်အပြင် အနံ့ တွေကဆိုးသည်။ ယင်ကောင်များပင်တွေ့ နေရသောကြောင့် သန့် ရှင်းမှုအတွက် စားသောက်ဆိုင်နေရာများ ဆင်ခြင်သင့်တော့သည်။  ကျွန်မတို့ မြန်မာပြည်ကလူတွေအတွက် အရမ်းအရေးကြီးသည့်အကြောင်းအရာမဟုတ်သော်လည်း အမေရိကန်လိုနေရာမျိုးမှလာသည့် လူတွေအတွက် နှာခေါင်းရှုံစရာဖြစ်လာသည်။
သူတို့ တွေသည် ဘိုထိုင်လို့ ခေါ်သည့် အိမ်သာမျိုးတွေမှာ သန့် သန့် ရှင်းရှင်းသွားသူတွေဖြစ်သည်။ ကျွန်မတို့ ဆီမှာ အိမ်သာ ဟုသာခေါ်နေပေမယ့် ကိုးရီးယားကားတွေကြည့်သောအခါ မင်းသားမင်းသမီးများ ဘိုထိုင်အိမ်သာပေါ် ခေါင်းထိုးပြီး အန်နေတာကိုကြည့်ရင် အတော်ကြီးစိတ်ညစ်တာထက် စိုးမည်ထင်သည်။ ခက်တာက သူတို့ တွေက အတော်သန့် သည်ကိုး။
နိုင်ငံခြားသားများတည်းခိုနားနေသော ဟိုတယ်များကတော့ ဈေးကြီးပြီး အဆင့်မှီပါသည်။
ခက်တာ လမ်းခုလတ်ပတ်ဝန်းကျင်က မမှီသော Standards များကြောင့် ခရီးသွားလာရေးအတွက် အခက်အခဲများဟုပဲ ဆင်ခြင်သုံးသပ်မိပါသည်။

ကျွန်မတို့ တိုင်းပြည်နှစ်သစ်အတွက် စနစ်အသစ်တွေသည်လည်း လိုလာတော့သည်၊
မလိုအပ်တဲ့ တံတိုင်းတွေကိုဖြိုပြီး လိုအပ်တဲ့ တံတားတွေဆောက်ကြရပေအုံးမည်၊
ပြင်စရာရှိတာပြင်၊ ရှေ့ဆက်စရာရှိတာ သွားရမည့် ဘ၀ခရီးသွားများအတွက်
အသက်တစ်နှစ်ကြီးခြင်းအတွက် ဆင်ခြင်သုံးသပ်မှုများကတော့ အလျှံပယ်ပင်……..

၂၀၁၁ ဒီဇင်ဘာမှာ ကျွန်မရိုက်ခဲ့သော ပန်းပွင့်ပုံလေးများဖြင့် ၂၀၁၁ကို နှုတ်ဆက်လိုက်ပါတယ်..

ပန်းလေးတစ်ပွင့်ဟာ ဒီလိုအတောင်စုံစုံနဲ့ ပြုံးတက်ပါတယ်..


အပွင့်ရဲရဲ နှင်းဆီမှ မဟုတ်ပါဘူး..ပန်းနုရောင်နှင်းဆီပွင့်လေးလည်း ဒီလိုမသိမသာ ပြုံးတက်ပါတယ်..

ဒီပန်းပွင့်ရဲ့ နာမည်ကိုတော့ “ရက်စက်ခြင်းများ” လို့ နာမည်ပေးထားပါတယ်..
ပန်းရောင်တောက်တောက် အရောင်ဖြစ်တဲ့ ပွင့်ချပ်လေးတစ်ဖတ်က
တစ်စုံတစ်ရာ နာကျင်ခြင်းအတွက် နှုတ်ခမ်းကိုက်နေသလိုလိုနဲ့ နှစ်ဟောင်းမှာ အကျဉ်းတန်ရက်စက်ခြင်းတွေကို ထားခဲ့ကြပါလို့ …

ပန်းတွေလှရင် လိပ်ပြာလေးနားတက်တယ်…
ကျွန်မတို့ မြန်မာပြည်လိုပေါ့..ခရီးသွားတွေဝင်ဝင်လာနားလှည့်သလို..
ဒီထက်လှပသော ပန်းဥယျာဉ်ကြီးဖြစ်ဖို့ ဆုမွန်ကောင်းတောင်းမိပါသည်။

အားလုံး တိုးတက်ပျော်ရွှင်ငြိမ်းချမ်းသော နှစ်သစ်ဖြစ်ပါစေ……

Happy New Year!
ဆုမွန်ကောင်းတောင်းလျှက်
မြလေးသျှင်


Advertisements

3 comments on “နှစ်သစ်ပင်နား ခရီးသွားအတွေးများ

  1. Happy New Year ပါ မမရေ !!! 🙂 🙂 ပျော်ရွင်ဖွယ် နှစ်သစ် မင်္ဂလာလေး ဖြစ်ပါစေလို့..။

  2. H@PPY NEW YE@R! ပါ အမရေ..
    လာတာနောက်ကျသွားလို့ ဆုတောင်းတာ နောက်ကျသွားတယ်.. 🙂
    ပို့စ်လေးဖတ်ပြီး တွေးမိတယ်.. ကျွန်တော်တို့ မန်းလေးမှာဆို သစ်ပင်ကြီးတွေ အများကြီးပဲ.. အိမ်တိုင်းလိုလိုရဲ့ ရှေ့မှာလည်း အပင်တွေရှိတယ်.. အကြီးကြီးမဟုတ်တောင် အပင်သေးတွေ မျိုးစုံစိုက်ကြတယ်..
    အခု ရန်ကုန်ရောက်တော့ အပင်တွေရှားနေသလို ခံစားရတယ်.. ပျော်လည်းပျော်ဘူး.. 🙂

    ခင်မင်လျက်
    Junemoe

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s